粤讲越有料
主持人：邓柱峰
各位街坊，今日想同大家一齐玩下“怀旧”，怀乜嘢？国道啊！有边位到依家仲未知道321、325两条国道要迁移嘅消息啊？呢排省交通厅已经批咗啦，两条国道要移去市郊。具体消息如下：
“据省交通厅的批复，国道G321广成线起于广州境内乡道Y158线(鸦岗大道)和华南快速干线( S303 )三期K0+000相交处。沿鸦岗大道向西，经广和大桥进入佛山，从里水立交匝道(长约1.1公里)顺佛山一环高速公路北线，至官窑立交匝道出，再先后经碧云路、县道X522高三线、乡道Y444清农线、石湖州立交连接线和省道S269线，在原国道G321线接回。另根据批复，国道G325广南线起于广州市番禺区境内的省道S257钟蕉线和省道S111广珠线交汇处。沿省道S257线、省道S362莲金线，经三善大桥进入佛山，再顺省道S362线，在原国道G325线（K29+121）处接回。”
多年嚟困扰佛山城市扩充嘅两条“皮带”终于松绑。关于呢个消息的后续新闻，呢排个个媒体都喺度做紧，大家多数会将个焦点放喺佛山大道、广佛路仲塞唔塞车嘅问题上。但估计佛山大道交通减压未必会有打针咁见效。毕竟，国道改迁需要一定时间嘅适应，况且佛山大道、广佛路同埋乐从嘅商业氛围咁好，就算无过境车都一样系车流滚滚。
话分两头，国道外迁其实对佛山城市化嘅促进作用系最大，意味住佛山中心城区可轻松咁向西、向北延伸，石湾、张槎、罗村、大沥呢几个地方同中心城区的融合度会加快好多。
回首往事，国道为佛山经济建设嘅作用系唔能够轻易忽视。三十几年前，佛山城区好细，两条国道都喺佛山城郊，而沿线嘅大沥、盐步、黄岐、石湾、乐从等区域因为国道而先富起嚟，依家仲形成咗几十个商贸市场。
无论点都好，佛山人应该好好珍惜呢两条国道，希望未来嘅日子里面，新国道可以带比佛山外围区域更多嘅惊喜。
