粤语
点
亚运
云山伴珠水
粤讲粤有味
主持：容剑平
漫画：春鸣
第16届亚运会好快就喺广州开锣，我地除咗奉上一围亚洲最顶级嘅综合性大型体育赛事，还有乜嘢可以送给八方来客？美食？冇错！除咗食，我地广州就冇其他嘢啦？当然唔系。广州系历史文化名城，迎亚运嘅软件，自然少不了文化。
比如来客问，广州从旧时到依家，又唔出产羊，点解叫“羊”城？你可以咁介绍：传说有五个仙人穿唔同颜色嘅靓衫衫，骑五只羊喺天上“游云河”，佢地睇到广州呢个地头好，就落地将谷穗送给当地人，保佑呢个地头永无饥荒，五只仙羊化成石，所以广州又叫“羊”城，简称“穗”。越秀山嗰座五羊石雕，讲嘅就系呢个古仔，因此成咗公认嘅广州城标。
你可能会讲，呢个古仔广州系人都知啦。冇错，呢个系“普及版”，还有两个唔系好多人知嘅版本———学术“考证版”同雷人“网络版”。呢两个版本点讲？且听下期（本周五）分解。·一 剑·
[注释] 乜嘢：什么。依家：现在。佢地：他们。
特约
